OʻZBEKISTONDA KICHIK KORXONA VA MIKROFIRMALARNING RIVOJLANGANLIK DARAJASINI STATISTIK BAHOLASH

Annotatsiya

Mazkur maqolada Oʻzbekistonda kichik korxonalar va mikrofirmalarning iqtisodiy rivojlanish darajasi statistik maʼlumotlar hamda tanlanma kuzatuvlar asosida chuqur tahlil qilingan. Tadqiqot jarayonida hududlar kesimida kichik biznes subyektlarining soni, fa oliyat yoʻnalishlari va iqtisodiy holati oʻrganilib, ishbilarmonlik muhiti dinamikasining asosiy koʻrsatkichlari baholangan. Xususan, 2018 –2023 -yillar davrida kichik korxonalarning iqtisodiy holatini baholash tendensiyalari, sohalar kesimidagi oʻzgarishlar hamda istiqboldagi rivojlanish imkoniyatlari aniqlangan. Tahlil natijalari kichik biznesni rivojlantirish siyosatining samaradorligini aniqlash va amaliy takliflar ishlab chiqish uchun muhim ilmiy asos boʻlib xizmat qiladi.