Tel: +998977838464
Search

Maqola yuborish

Kirish Ro'yxatdan o'tish

Mualliflar uchun qo'llanma

Mualliflar uchun qo‘llanma

Jurnalga maqola taqdim etish shartlari

«Marketing» ilmiy, amaliy va ommabop jurnaliga yuboriladigan ilmiy maqolalar xalqaro akademik andozalar, tahririyat siyosati va jurnal bo‘limlari talablariga mos bo‘lishi kerak.

Lotin yozuviO‘zbek tilidagi maqolalar faqat lotin alifbosida qabul qilinadi.
3 tilMaqola nomi, muallif ma’lumoti, annotatsiya va kalit so‘zlar o‘zbek, rus va ingliz tillarida beriladi.
Kamida 5 betMatn Times New Roman, 14 kegel, 1 intervalda rasmiylashtiriladi.
Eslatma: talablar ilmiy maqolalar uchun qo‘llanadi. Amaliy va ommabop maqolalar bo‘yicha tahririyat alohida yondashuv belgilashi mumkin.

Asosiy talablar

  1. Maqola mavzusi jurnalning «Jurnal bo‘limlari» ruknida ko‘rsatilgan yo‘nalishlardan biriga mos bo‘lishi shart.
  2. Maqola empirik tadqiqot, keys-stadi, adabiyotlar tahlili va sharhi, nazariya, amaliyot, uslubiyot, professional ilmiy taqriz yoki shunga yaqin ilmiy tavsifga ega bo‘lishi lozim.
  3. Maqola xalqaro andozalarga mos aniq tarkibiy qismlarga ega bo‘lishi kerak.
  4. Matn Times New Roman shriftida, 14 kegelda, qator oralig‘i 1 intervalda tayyorlanadi. Sahifaning barcha tomonida 2 sm maydon qoldiriladi.
  5. Maqola hajmi kamida 5 bet bo‘lishi, foydalanilgan adabiyotlar esa kamida 10 ta manbadan iborat bo‘lishi kerak. Maksimal hajm cheklanmagan.
  6. Maqolada kamida bitta jadval, chizma yoki rasm bo‘lishi shart. Jadval nomi yuqorida, chizma va rasm nomi pastda beriladi, manbasi aniq ko‘rsatiladi.
  7. Maqolalar o‘zbek, rus yoki ingliz tillarida topshirilishi mumkin. O‘zbek tilidagi maqolalar lotin yozuvida bo‘lishi shart.
  8. Maqolalar tahririyat tomonidan taqrizga yuboriladi va taqriz natijalariga ko‘ra chop etish bo‘yicha qaror qabul qilinadi.
  9. Talablarga javob bermaydigan maqolalar ko‘rib chiqilmaydi. Nashriyot ayrim maqolalar bo‘yicha qo‘shimcha ma’lumot so‘rash huquqini saqlab qoladi.

Maqola tarkibi

Maqola mavzusi Title

Mavzu imkon qadar qisqa, lo‘nda va tadqiqot yo‘nalishini aniq ifodalagan holda 3 tilda beriladi.

Muallif ma’lumoti Author information

Muallifning F.I.Sh., ish joyi, lavozimi, ilmiy darajasi va unvoni, ORCID raqami, e-mail manzili va telefonlari 3 tilda, qisqartmalarsiz kiritiladi.

Annotatsiya Abstract

Annotatsiya o‘zbek, rus va ingliz tillarida 8-10 qatordan oshmagan holda yoziladi. Unda muammo, dolzarblik, metodologiya, natijalar hamda ilmiy va amaliy hissa yoritiladi.

Tayanch so‘zlar Key words

Kalit so‘zlar maqola mazmuni va maqsadini qisqa ochib berishi kerak. Qidiruv tizimlarida topilishi uchun ularning asosiy matnda tabiiy takrorlanishi tavsiya etiladi.

Kirish Introduction

Kirishda tadqiqot muammosi, maqsad va vazifalar, mavzuning tanlanish asosi, dolzarbligi va ilmiy ahamiyati yoritiladi. Statistik ma’lumotlarga murojaat qilish tavsiya etiladi.

Adabiyotlar sharhi Literature review

Mavzuga oid ilmiy manbalar tanqidiy tahlil qilinadi, mavjud bilimlar xaritasi ko‘rsatiladi va tadqiqot savollari asoslanadi. Eng yangi jurnal maqolalari va ishonchli manbalardan foydalanish tavsiya etiladi.

Metodologiya Research Methodology

Tadqiqot falsafasi va yo‘nalishi, dizayni, axborot olish usullari, tadqiqot etikasi, tanlov, ma’lumot manbalari va tadqiqot strategiyasi asoslanadi.

Tahlil va natijalar Analysis and results

Oldindan belgilangan tahlil usullari orqali yig‘ilgan ma’lumotlar natijalari bayon qilinadi. Muhokama keyingi qismlarda izchil ochib beriladi.

Xulosa va takliflar Conclusion / Recommendations

Tadqiqot savollariga javob, asosiy natijalar, umumiy xulosalar, amaliy takliflar va kelgusidagi tadqiqot yo‘nalishlari beriladi.

Foydalanilgan adabiyotlar References

Manbalar [1], [2], [3] ketma-ketligida rasmiylashtiriladi. Kitoblar uchun muallif, nom, nashr joyi, nashriyot, yil va betlar; maqolalar uchun muallif, maqola nomi, jurnal nomi, nashr, yil, son va betlar ko‘rsatiladi.

Maqola shabloni

1

Maqola nomi

2

Muallif F.I.Sh. to‘liq, tashkilot, lavozim, ilmiy daraja va ilmiy unvon

3

Annotatsiya va kalit so‘zlar: o‘zbek, rus va ingliz tillarida

4

Kirish, adabiyotlar sharhi, metodologiya, tahlil va natijalar

5

Jadval yoki diagramma, xulosa va takliflar

6

Foydalanilgan adabiyotlar ro‘yxati

Foydalanilgan adabiyotlar bilan matn ichidagi havolalar o‘zaro mos kelishi shart. Matn ichida manbalar [1] shaklida ko‘rsatiladi.

Maqola yuborish uchun tekshirish ro'yxati

Barcha taqdim etiladigan maqolalar quyidagi talablarga javob berishi kerak.

  • Maqola «Marketing» jurnalining yo‘nalishlari va mualliflar uchun qo‘llanmasiga mos.
  • Maqola ilgari nashr etilmagan va ayni vaqtda boshqa jurnalda ko‘rib chiqilmayapti.
  • Maqola o‘zbek tilida topshirilsa, matn lotin yozuvida tayyorlangan.
  • Maqola nomi, muallif ma’lumoti, annotatsiya va kalit so‘zlar o‘zbek, rus va ingliz tillarida berilgan.
  • Maqolada kirish, adabiyotlar sharhi, metodologiya, tahlil va natijalar, xulosa va takliflar, foydalanilgan adabiyotlar qismlari mavjud.
  • Matn Times New Roman, 14 kegel, 1 interval va 2 sm sahifa maydonlari bilan rasmiylashtirilgan.
  • Kamida 10 ta foydalanilgan adabiyot keltirilgan va matn ichidagi havolalar ro‘yxat bilan mos.
  • Jadval, chizma yoki rasmlar raqamlangan, nomlangan va ularning manbasi ko‘rsatilgan.
  • Barcha mualliflar, ORCID, e-mail va aloqa ma’lumotlari to‘liq kiritilgan.

Maxfiylik bayonoti

Ushbu jurnal saytiga kiritilgan ismlar va elektron pochta manzillari faqat ushbu jurnalning belgilangan maqsadlari uchun ishlatiladi va boshqa maqsadlarda yoki boshqa tomonlarga taqdim etilmaydi.

Bo'limlar

Ilmiy maqolalar

Marketing, biznes, bozor tadqiqotlari, iste’molchi xulq-atvori, savdo, brend, reklama, raqamli marketing va iqtisodiyotning marketing bilan bog‘liq yo‘nalishlari bo‘yicha ilmiy maqolalar qabul qilinadi.