NAVOIY VILOYATIDA “YASHIL BELBOG‘”LAR BARPO ETISHDA INFRATUZILMA BILAN TA’MINLASH MINTAQAVIY MUAMMOLARI VA ULARNING YECHIMLARI

Annotatsiya

Mazkur maqola Navoiy viloyatida “yashil belbog‘”lar barpo etish jarayonida yuzaga kelayotgan infratuzilma bilan ta’minlashga oid mintaqaviy muammolar va ularning samarali yechimlarini tahlil qilishga bag‘ishlangan. Maqolada so‘nggi yillarda O‘zbekiston Respublikasi miqyosida ekologik barqarorlikni ta’minlash, cho‘llanish jarayonlarini kamaytirish va aholi yashash sharoitlarini yaxshilash maqsadida amalga oshirilayotgan “Yashil makon” umumxalq harakati doirasida bajarilayotgan ishlar tahlil qilinadi. Navoiy viloyatining iqlimiy sharoiti, tabiiy resurslari hamda suv ta’minoti imkoniyatlaridan kelib chiqib, “yashil belbog‘”lar tashkil etishning o‘ziga xos jihatlari yoritilgan. Maqolada ekologik, iqtisodiy va ijtimoiy omillar o‘zaro bog‘liq holda ko‘rib chiqilib, “yashil belbog‘”larni barpo etish nafaqat atrof -muhitni muhofaza qilish, balki hududning ijtimoiy -iqtisodiy rivojlanishiga ijobiy ta’sir ko‘rsatishi ta’kidlanadi. Tadqiqot natijalari Navoiy viloyati misolida mintaqaviy ekologik siyosatni takomillashtirish, barqaror infratuzilma yaratish va yashil iqtisodiyot tamoyillarini amalga oshirishda muhim amaliy ahamiyat kasb etadi.