OʻZBEKISTON RESPUBLIKASIDA OLIY TAʼLIM TASHKILOTLARINING IJTIMOIY TARMOQLARDAGI REYTINGI NI BAH OLASHGA YONDASHUVLAR

Annotatsiya

Maqolada oliy taʼlim tashkilotlarida talabalarni jalb qilish va ular bilan aloqani yoʻlga qoʻyishda ijtimoiy tarmoq platformalarining oʻsib borayotgan ahamiyati hamda strategik oʻrni tahlil qilinadi. Taʼlim sohasidagi marketingning anʼanaviy usullari bilan solishtirganda, ijtimoiy tarmoqlarning potensial abituriyentlar bilan samarali aloqa oʻrnatishdagi afzalliklari ochib beriladi. Facebook, Instagram, Telegram, YouTube va TikTok kabi platformalar orqali taʼlim tashkilotlari oʻzlarining akademik imkoniyatla ri, ilmiy faoliyati va talabalar erishgan yutuqlarni jonli hamda interaktiv tarzda namoyish etish orqali universitetlarning tanilishini oshiradi va ularning marketing faoliyatiga sezilarli hissa qoʻshadi. Shu bois, oliy taʼlim tashkilotlarining ijtimoiy ta rmoqlardagi reytingini tahlil qilish va baholashga yondashuvlarni ishlab chiqish muhim tadqiqot yoʻnalishidir.