OʻZBEKISTON AGROSANOAT ZANJIRLARIDA SIFAT MENEJMENTI TIZIMLARINI JORIY ETISHGA TASH QI MUHIT OMILLARI TAʼSIRINI KOMPLEKS BAHOLASH

Annotatsiya

Ushbu maqolada O‘zbekiston agrosanoat zanjirlarida sifat menejmenti tizimlarini joriy etish zarurati xalqaro tajribalar, ilmiy yondashuvlar va PESTEL tahlil modeli asosida o‘rganilgan. Yevropa Ittifoqi, AQSh, Yaponiya kabi rivojlangan mamlakatlarda ISO 900 1, GlobalG.A.P. va HACCP standartlari orqali agrosanoatning barqarorligi hamda eksport salohiyati oshirilgani tahlil qilingan. Jahon olimlari tomonidan ishlab chiqilgan ilmiy asoslar, xususan, raqamli transformatsiyaning sifat monitoringi, ekologik nazorat va traceability texnologiyalariga integratsiyasi O‘zbekiston sharoitida ham muhim ekanligi asoslangan. Tadqiqotda PESTEL komponentlari bo‘yicha indekslar ishlab chiqilib, ekspert baholari asosida ularning integralligi aniqlangan. Natijalar texnologik va s iyosiy infratuzilma nisbatan yuqori darajada rivojlanganini, huquqiy va ijtimoiy muhit esa sust ekanini ko‘rsatgan. Shu orqali maqola O‘zbekiston agrar sektorida sifat menejmenti tizimlarini xalqaro standartlar va raqamli texnologiyalar bilan uyg‘un holda joriy etish yo‘nalishlarini ilmiy asoslaydi.